TAARIFA YA UJIO WA DR.ANATH MKOA WA RUKWA KUPITIA JUMARU-KUANZISHA TAWI LA CHUO KIKUU CHA ST.JOSEPH TAREHE 14-15 MACHI 2014

Mnamo siku ya Ijumaa ya tarehe 14 machi 2014 muda wa saa 8.30 mchana Professa Bernard Kasimila Makamu Mwenyekiti wa Mchakato wa Kuanzisha Chuo Kikuu Mkoa wa Rukwa na Balozi Titus Simsamba Katibu wa Mchakato wa Kuanzisha Chuo Kikuu Mkoa wa Rukwa, waliwasili Kwa njia ya basi Mjini Sumbawanga kutokea Mbeya na Dra es salaam,walipokelewa na Wajumbe wa JUMARU Mkoa wa Rukwa na kuelekea moja kwa moja Hotel ya Mbizi Forest mahali palipo andaliwa Maalumu kwa Ugeni huo rasmi.

• KUWASILI WAJUMBE WA JUMARU KATIKA HOTEL YA MBIZI FOREST KUPOKEA UGENI

 Mnamo saa 11.30 jioni Wajumbe wa JUMARU Mkoa wa Rukwa wakiongozwa na Mwenyekiti wa JUMARU Mkoa wa Rukwa Mzee Ernerest Mpendakazi Kinunda pamoja na Mhashamu Baba Askofu Damian Kyaruzi Askofu wa Jimbo Katoliki Sumbawanga aliyeambatana na Padri Demisius Kazonde Mkrugenzi wa CARTAS Jimbo Katoliki Sumbawanga, walikusanyika katika ukumbi mdogo uliopo Hotel ya Mbizi Forest Mjini Sumawanga ulioandaliwa na Wajumbe wa JUMARU Mkoa wa Rukwa kwa ajili ya kupokea ugeni wa Dr. Anath na timu yake.

• TAARIFA YA SAFARI YA DR.ANATH

Mara baada ya wajumbe wa JUMARU kuwasili katika ukumbi huo wa Hotel ya Mbizi Forest, Katibu Msaidizi JUMARU Taifa Bwana Ardius James Kwimba aliwapatia wajumbe taarifa juu ya maendeleo ya Safari ya Dr.Anath na timu yake,kuwa safari ya Ugeni waliyokuwa wanausubiria kwa hamu ni nzuri kwani wageni wanakaribia kufika Sumbawanga Mjini, hii ini kutokana na namna alivyokuwa anafanya Mawasiliano na Dr. Anath akiwa safarini. Wajumbe wa JUMARU pamoja na Mhashamu Baba Askofu Damian Kyaruzi walifurahi sana kupata taarifa juu maendeleo ya wageni waliokuwa wakisubiriwa kupokelewa.

Aidha Katibu Msaidizi JUMARU Taifa Bwana Ardius James Kwimba, aliendelea kufanya mawasiliano ya mara kwa mara na Dr. Anath akiwa Safarini kuja Sumbawanga.Huku Wajumbe wa JUMARU pamoja na Mhashamu Baba Askofu Damian Kyaruzi Askofu wa Jimbo Katoliki Sumbawanga na Padri Demisius Kazonde, wakiendelea na mazungumuzo ya kubadilishana mawazo kuhusu Maendeleo ya Mkoa wa Rukwa na Changamoto zinazoukabili  Mkoa na namna ya Kukabiliana nazo.

Mnamo saa 3:00 usiku Katibu Msaidizi JUMARU Taifa Bwana Ardius James Kwimba, alifanya mawasiliano na Dr. Anath juu ya hali ya safari, na akamweleza kuwa kuna mvua kubwa inanyesha kwa hiyo Dreva anaendesha Gari taratibu. Dr. Anath alitoa ujumbe kupitia kwa Bwana Kwimba kuwa anaomba Baba Askofu na Wajumbe wengine waende wakapumuzike kwa kuwa imekuwa usiku na yeye na timu yake bado wako njiani kuja Sumbawanga Mjini, aliwaomba aonane nao  kesho yake Asubuhi. Katibu Msaidizi JUMARU Taifa Bwana Kwimba aliwajulisha wajumbe kupitia ridhaa ya Mwenyekiti JUMARU Mkoa wa Rukwa.

• MAZUNGUMUZO MAFUPI YA WAJUMBE

Baada ya ujumbe huo kutoka kwa Dr.Anath, Mwenyekiti wa JUMARU Mkoa wa Rukwa Mzee Ernerest Mpendakazi Kinunda alifungua kikao cha Mazungumzo mafupi ya Wajumbe wa Jumaru pamoja na Mhashamu Baba Askofu Damian Kyaruzi Askofu wa Jimbo Katoliki Sumbawanga na Padri Demisius Kazonde Mkrugenzi wa CARTAS Jimbo Katoliki Sumbawanga akiwepo Professa Bernard Kasimila Makamu Mwenyekiti wa Mchakato wa Kuanzisha Chuo Kikuu Mkoa wa Rukwa na Balozi Titus Simsamba Katibu wa Mchakato wa Kuanzisha Chuo Kikuu Mkoa wa Rukwa. Mwenyekiti wa JUMARU Mkoa wa Rukwa aliwapitisha wajumbe wa kikao hicho kwenye ratiba ya Ujio wa ugeni wa Dr. Anath iliyokuwa imeandaliwa na Wajumbe wa Sekretarieti JUMARU Sumbawanga.

Aidha wajumbe wa kikao walianza kutoa ushauri juu ya kwenda na ratiba ya ujio wa Ugeni. Kisha Mwenyekiti wa JUMARU Mkoa wa Rukwa aliitimisha kwa kumshukuru Baba Askofu Damian Kyaruzi na Padri Demisius Kazonde pamoja na Wajumbe wa JUMARU Mkoa wa Rukwa kwa kuitikia wito wa kuja kuupokea Ugeni wa Dr.Anath. Mwenyekiti walimruhusu Baba Askofu Damian Kyaruzi na Padri Demisius Kazonde pamoja na wajumbe wa JUMARU waende wakapumuzike kwa kuwa imekuwa usiku wageni wetu tutaonana nao kesho asubuhi kadri ya ratiba ilivyopangwa.Baada ya wajumbe kutawanyika Mwenyekiti wa JUMARU Mkoa wa Rukwa, aliteuwa wajumbe  waliobaki kuumpokea Ugeni wa Dr.Anath, wajumbe hao ni Gaudence Mwanandenje, Chasuka,Ardius James Kwimba na Mwenyekiti JUMARU Mkoa.

• KUWASILI WAGENI

Mnamo saa 4:15 usiku Dr.Anath na timu yake waliwasili Hotel ya Mbizi Forest na kupokelewa na wajumbe waliokuwa wameteuliwa wakiongonzwa na Mwenyekiti JUMARU Mkoa.Baada ya wageni kupokelewa walionyeshwa vyumba vyao vya kulala kisha kuonyeshwa ratiba iliyokuwa imeandaliwa.Muda wa saa 4.45 Wajumbe walioteuliwa kuupokea Ugeni walianza kurejea nyumbani kwao kupumzika kwa kutumia usafiri wa gari ya Mwenyekiti JUMARU Mkoa wa Rukwa.

• KUANZA MSAFALA

Asubuhi saa 2.30 siku ya Jumamosi ya Tarehe 15 Machi 2014,Wageni na baadhi ya wajumbe wa JUMARU mkoa walianza msafala kwenda Ofisi ya Mkuu wa Mkoa wa Rukwa kwa ajili ya kuripoti na kusaini katika kitabu cha wageni. Bahati mbaya Ofisi ya Mkuu wa Mkoa ilikuwa imefungwa kwa kuwa watumishi walienda Mtowisa kuhudhuria Maadhimisho ya Utepe Mweupe uliofanyika Kitaifa katika Kijiji cha Mtowisa.Hivyo msafala wa Dr. Anath na wajumbe wa JUMARU walienda kuripoti na kusaini kitabu cha wageni katika Ofisi ya Mkurugenzi wa Manispaa ya Sumbawanga, ambapo walimkuta Afisa Elimu Taaluma Sekondari Bwana Komba aliye achiwa ofisi na maagizo ya kushiriki katika ugeni wa Dr.Anath.Baada ya kusaini kitabu cha wageni ofisi ya Mkurugenzi Manispaa Msafala wa DR.Anath ulielekea Ofisini kwa Mhashamu Baba Askofu Damian Kyaruzi Askofu wa Jimbo Katoliki sumbawanga kwa ajili ya kwenda kusalimiana na kufanya Mazungumzo naye juu ya Ugeni na Mchakato wa  kuanzisha Tawi la Chuo Kikuu cha St.Joseph katika Majengo ya Katandala Misheniy aliyotolewa na Baba Askofu Damian Kyaruzi Askofu wa Jimbo Katoliki sumbawanga.

• KUWASILI OFISINI KWA BABA ASKOFU JIMBO KATOLIKI SUMBAWANGA

Mnamo saa 3:00 asubuhi siku hiyo ya tarehe15 Machi 2014,Msafala wa Dr.Anath na Wajumbe wa JUMARU ulifika  Ofisini kwa Baba askofu Jimbo Katoliki Sumbawanga na kupokelewa na Baba Askofu Damian Kyaruzi Askofu wa Jimbo Katoliki sumbawanga na mapadri wasaidizi wake. Baba Askofu alifurahi sana kuona Msafara wa Ugeni wa Dr. Anath na Wajumbe wa JUMARU. Mara baada ya kusalimiana naye na kusaini katika kitabu cha wageni alianza kwa kuwakaribisha Dr.Anath na timu yake na kisha wajumbe wa JUMARU akiwepo Professa Kasimila na Balozi Titus Simsamba.

• MAELEZO YA VIONGOZI WA JUMARU NA MCHAKATO WA CHUO KIKUU

Mazungumzo yalianza kwa utambulisho kwa Wageni wote alioambatana na Dr.Anath pamoja na Wajumbe wa JUMARU.Aidha Mwenyekiti JUMARU Mkoa alimkaribisha Professa Kasimila Kutoa Historia fupi ya Mchakato wa Kuanzisha Chuo Kikuu ndani ya Mkoa wa Rukwa na namna JUMARU ilivyounganisha nguvu za pamoja za wanarukwa na Wadau wa Maendeleo Mkoa wa Rukwa  kushirikiana na Dr. Anath kuanzisha tawi la Chuo cha St.Joseph Mkoa wa Rukwa kwa kuanzia katika Majengo ya Katandala Misheni yaliyotolewa na Baba Askofu Damian Kyaruzi Askofu wa Jimbo Katoliki sumbawanga. Pia Professa Kasimila alitoa Ujumbe kutoka kwa Kadinari Pengo kuwa anasubilia kwa hamu Chuo Kikuu kuanza ndani ya Mkoa wa Rukwa na ndiyo itakuwa furaha yake kuu.

• MAELEZO YA DR.ANATH

Baada ya Professa Kasimila Kutoa Historia fupi ya Mchakato wa Kuanzisha Chuo Kikuu ndani ya Mkoa wa Rukwa, Dr.Anath alianza Kuelezea juu ya Matawi mbalimbali ya Chuo cha  St. Joseph katika Afrika na Tanzania. Aidha alitoa ufafanuzi kwa kina kuwa Chuo KiKuu cha St.Joseph na Matawi yake kinamilikiwa na Shirika la Masisista lililoko India Chini ya Kanisa Katoliki na hapa Tanzania Shirika hilo lipo.Dr.Anath aliendelea kutoa Muundo wa Uongozi uliopo katika Chuo Kikuu cha St. Joseph pamoja na Matawi yake, kuwa kuna Mkurugenzi ambaye huwa anafanya kazi chini ya Baba Askofu wa Jimbo Katoliki mahali ambako Tawi la Chuo Kikuu lilipo na ripoti ikiandaliwa huwa lazima ipitie kwa Baba Askofu wa Jimbo Katoliki wa mahali Chuo kilipo.

Dr. Anath aliendelea kusema kuwa Amefurahi sana kukutana na Viongozi wa JUMARU waliomuunganisha kwa Kadinari Pengo,Waziri Mkuu wa Jamhuri ya Muungano wa Tanzania pamoja na Baba Askofu wa Jimbo Katoliki Sumbawanga.Aliahidi kuwa atawatuma Wataalamu wa Chuo cha St.Joseph walioko Dar es salaam waje wafanye ukarabati katika majengo yakuanzia yaliyopo Katandala Misheni, ndani ya miezi sita na Chou kianze mwenzi Oktoba 2014. Katika kuanzisha Tawi la Chuo Dr. Anath alisema watatoa mwelekeo wa chuo kwa kuangalia Mahitaji ya Mkoa wa Rukwa, aina ya wanafunzi na  hasa katika vipaumbele vya kozi za Sayansi na kozi ambazo zitakidhi Mahitaji ya Mkoa wa Rukwa na watu wake.

• MAELEZO YA BABA ASKOFU

Mhashamu Baba Askofu Damian Kyaruzi Askofu wa Jimbo Katoliki Sumbawanga, aliwakaribisha na kuwashukuru wageni wote pamoja na Viongozi wa JUMARU kumuunganisha na Dr.Anath kwa Maendeleo endelevu ya Mkoa wa Rukwa. pia alianza kutoa hitoria ya Maendeleo ya Jimbo la Sumbawanga ambayo inajumuisha Mkoa wa Rukwa Pamoja na Mkoa Mpya wa Katavi (kabla haija gawanywa),Baba Askofu alitoa Changamoto mbalimbali zilizo athiri Maendeleo ya Jimbo ukiwemo Mfumo wa Ukoloni na Mifumo ya Kisiasa, ambazo zimepelekea rasilima za  Jimbo kutotumika vizuri kwa Maendeleo ya Mkoa wa Rukwa na Katavi. Aidha Baba Askofu alifafanua kwa kina juu ya Maendeleo ya Elimu Mkoa wa Rukwa kuwa yako nyuma ukilinganisha na Mikoa mingine kama Mkoa wa Dar es salaam, Kagera, Mbeya na Mikoa Mingine kuanzia shule za Msingi, Sekondari,Shule za Kidato cha tano na Vyuo mbalimbali na kwa sasa kuna Chuo Kikuu kimoja tu ambacho ni Chuo Kikuu Huria . Pia Baba Askofu alitoa ufafanuzi jinsi Viongozi wa JUMARU walivyo Mshirikisha juu ya Mchakato wa Chuo kikuu ndani ya Mkoa wa Rukwa pamoja na Ujio wa Dr.Anath, alisema leo kumuona Dr.Anath amepata majibu na Matumaini juu ya kuanzisha Chuo Kikuu ndani ya Mkoa wa Rukwa.

Baba Askofu alitoa ujumbe kwa Viongozi wa JUMARU  na Wadau wa Maendeleo Mkoa wa Rukwa, kwa sasa kila mtu ataitazama JUMARU kuwa chombo cha Kuwaunganisha watu kwa Maendeleo. Alitoa wito kwa JUMARU kuendelea  na mikakati ya kutoa elimu kwa wanafunzi kupenda kusoma Masomo ya Sayansi ili wapate fursa ya kusoma chuo na Mkoa kupata wataalamu wakutosha kwa Maendeleo ya Mkoa wa Rukwa na Tanzania kwa ujumla. Aidha Baba Askofu alitoa ruhusa ya Majengo ya Katandala Walei yatumike kuanzisha Tawi la St.Joseph Mjini Sumbawanga, na aliruhusu Msafala wa Dr.Anath na Wajumbe wa JUMARU wakiongozwa na Padri Kazonde kwenda kutembelea Majengo ya Katandala Walei.

• NENO LA SHUKURANI

Mjumbe wa JUMARU Mkoa wa Rukwa Mzee Nkoswe kwaniaba ya wajumbe wa JUMARU, alitoa shukurani kwa Baba Askofu kuitikia wito wa kuupokea Ugeni wa Dr.Anath pamoja na wajumbe wa JUMARU,ikiwemo wito wa kuruhusu Majengo ya Katandala kutumika kuanzisha Chuo Kikuu Mjini Sumbawanga. Aidha Mzee Nkoswe aliwashukuru wageni wote waliombatana na Dr.Anath kuitikia wito wa JUMARU kuja Sumbawanga kuanzisha Tawi la Chuo Kikuu cha St.Joseph. Baada ya neno la shukurani wajumbe walipata Baraka ya Baba Askofu na kisha kuendelea na msafala wa kwenda kuangalia Majengo ya kuanzia Chuo Kikuu yaliyopo Katandala Walei.

• KUTEMBELEA MAJENGO YA KATANDALA WALEI

Msafala wa Dr.Anath  na Wajumbe wa JUMARU wakiongozwa na Padri Kazonde walifika eneo la Katandala na Kuangalia Majengo ya Kumbi za Walei kwa ajili ya kuanzisha Chuo Kikuu Mjini Sumbawanga.Dr. Anath na wajumbe alioambatana nao walifurahi sana kuona Majengo ya Katandala Misheni Kumbi za Walei, na kutoa maoni yao kuwa Majengo yanafaa sana kuanzisha Chuo kikuu kwani yamepangiliwa vizuri na yanatosha kuanzia isipokuwa yatafanyiwa ukarabati ndani ya miezi sita na chuo Kikuu kianze mwezi wa Oktoba mwaka 2014.Aidha Dr.Anath alitoa agizo kwa Wajumbe wa JUMARU kuchora ramani ya Majengo ya Katandala na Kumtumia ili akawasilishe kwenye Kikao cha Bodi ya Chuo Kikuu cha St.Joseph Dar es salaam. Baada ya kuangalia Majengo ya Katandala Misheni Msafala ulielekea eneo la Malangali kwenda kuangalia ekari 40 sehemu ambapo Chuo Kikuu kinaweza kujengwa.

• KUTEMBELEA ENEO LA MALANGALI

Msafala wa Dr.Anath na Wajumbe wa JUMARU ulifika eneo la Malangali na kuridhika na eneo hilo kuwa linafaa kujengwa Chuo Kikuu kwa Kuwa lipo karibu na Mjini na Huduma za jamii kama Maji,Umeme na nyinginezo nirahisi kuzipeleka katika eneo hilo la Malangali.Aidha Dr. Anath alitoa agizo kwa Wajumbe wa JUMARU kuwa waone uwezekano wa upatikanaji wa Maji na Umeme kwa kuwaona wataalamu husika kama SUWASA,Manispaa na TANESCO Mkoa wa Rukwa. Baada ya kutembelea kuangalia eneo la Malangali Msafala ulielekea kwenda Kuona Eneo la Pito.

• KUTEMBELEA ENEO LA PITO

Msafala wa Dr.Anath na Wajumbe wa JUMARU ulifika eneo ya Pito kuangalia sehemu ya Kujenga Chuo Kikuu. Dr. Anath na wajumbe aliokuwa ameambatana nao waliona eneo hilo na kutoa maelezo kuwa eneo la Malangali linafaa zaidi kujenga chuo Kikuu. Baada ya kuona Eneo la Pito Dr. Anath na Wataalamu alioambatana nao waliagana na Wajumbe wa JUMARU Mkoa wa Rukwa, kisha walianza Safari ya Kuelekea Mbeya hadi Dar es salaam. Aidha Wajumbe wa JUMARU walianza Safari ya kutoka Pito kurudi Mjini Sumbawanga na walikubaliana kuwa mara baada ya kufika Sumbawanga Mjini watafanya kikao saa 12.30 jioni siku ya 15/03/2014 katika Ukumbi Mdogo wa Hotel ya Mbizi Forest, cha tathimini ya Ugeni wa Dr.Anath kutembelea Majengo ya Katandala Misheni,Ardhi ya Malangali na Pito.

• KIKAO CHA TATHIMINI YA UGENI WA DR.ANATH KUTEMBELEA MAJENGO YA KATANDALA,ARDHI YA MALANGALI NA PITO.

Mnamo saa 12.30 Wajumbe wa JUMARU Mkoa wa Rukwa walikusanyika katika Ukumbi Mdogo wa Hotel ya Mbizi Forest. Katibu Msaidizi wa JUMARU Taifa alimkaribisha Mwenyekiti JUMARU Mkoa wa Rukwa Mzee Ernerest Mpendakazi Kinunda kufungua kikao cha tathimini ya Ugeni wa Dr.Anath kutembelea Majengo ya Katandala Misheni,Ardhi ya Malangali na Pito.

Mwenyekiti JUMARU Mkoa, alifugua kikao kwa kuwasalimia wajumbe, pia kuwakumbusha wajumbe tuliko toka,tulipo na kiu ya kusonga mbele katika Maendeleo endelevu ya  Mkoa wa Rukwa kupitia JUMARU.Kisha aliwakaribisha Wajumbe kuchangia thathimini ya Ugeni wa Dr.Anath.

Professa Kasimila alitoa shukurani kwa niaba ya Wajumbe wa JUMARU Dar es salaam na yeye mwenyewe, kwa kushukuru Mapokezi ya Ugeni. Pia alitoa maoni ya tathimini kwa kumwelezea Dr.Anath kuwa kauli za Dr.Anath zimejitokeza leo waziwazi,ukweli ambao Baba Askofu ametoa  kwa kunukuu maneno ya Baba Askofu “Nimetoa Majengo” mwisho wa kunukuu alisema Professa Kasimila. Kuhusu Eneo la  Malangali Ekari 40 Dr.Anath alilikubali kuwa linafaa kujengwa Chuo Kikuu alisema Professa Kasimila. Aliendelea kutoa Maagizo ya Msingi ya Dr.Anath kuwa ameagiza tuchore ramani itakayo onyesha  Majengo ya Katandala Misheni,pamoja na kuonyesha upatikanaji wa Maji na namna ya kupata Umeme katika eneo la Malangali la kujenga Chuo Kikuu. Dr. Anath amependa Malangali kuliko Pito kwa kuwa Malangali ipo karibu na Mjini pia Majengo ya Katandala Misheni Walei ameyakubali na hili limetujengea Imani kubwa kwa Ugeni wa Dr.Anath alifafanua Professa Kasimila . Pia Professa Kasimila alitoa Maoni ya Dr.Anath kuwa aliahidi  Chuo Kikuu kufundisha Kozi zinazoweza kuleta Manufaa ndani ya Mkoa wa Rukwa.

Balozi Titus Simsamba alitoa ushauri juu ya kuhamasisha wanafunzi kusoma masomo ya Sayansi kama Baba Askofu alivyoshauri hili liwe ndani ya Programu za JUMARU ili Wanafunzi wapate fursa ya kusoma Chuo kikuu fani za Sayansi zitakazo leta tija ya Maendeleo ya Mkoa wa Rukwa. Aidha Balozi Titus Simsamba waliwakumbusha wajumbe njinsi Baba Askofu wa Jimbo Katoliki Sumbawanga alivyo watambulisha Viongozi anaoshirikiana nao yaani Mapadri, kuwa Baba Askofu alitaka kutuonyesha watu ambao tunaweza kushirikiana nao katika Maendeleo ya Mkoa wa Rukwa.

Wajumbe wengine walichangia  juu ya kupanga mipango na mikakati ya  kuhamshisha wanafunzi wasome kwa bidii hasa Masomo ya Sayansi. Ikiwemo JUMARU kupanga programu za kuhamasisha wanafunzi kuanzia ngazi ya Shule za Msingi hadi Vyuo vyilivyopo ndani ya Mkoa wa Rukwa,kufanya Maonyesho pamoja na Mashindano kwa wanafunzi,wananchi ndani ya Mkoa na nje ya Mkoa ili kutia hamasa kwa Wadau.

Mnamo saa 2:45 usiku Mwenyekiti wa JUMARU Mkoa wa Rukwa aliahirisha Kikao kwa kuwashukuru wajumbe kushiriki katika Ugeni wa Dr.Anath pamoja na kuhudhuria na kushiriki kikao cha tathimini,kisha Wajumbe walitawanyika kwenda kupumzika.  

 JUMARU: Kwa Rukwa Endelevu Pamoja Tunaweza.

Imeandaliwa na Sekretarieti JUMARU Sumbawanga

.................................................