BARUA KWA BABA ASKOFU JIMBO LA KANISA KATOLIKI SUMBWANGA

JUKWAA LA MAENDELEO MKOA WA RUKWA

                                                                                        S.L.P. 666

                                                                                                    SUMBAWANGA.

                                                                                         30/12/2013

Kumb.NA:JUMARU/RK/AD.6/RUU/VOL.I/59

Mheshimiwa Mhashamu Baba Askofu

Damiani Kyaruzi

JIMBO KATOLIKI SUMBAWANGA.

TUMSIFU YESU KRISTU!

YAH:  MAOMBI YA KUKODISHIWA KWA MUDA MAJENGO YA KANISA ENEO LA     

            KATANDALA (TRADE SCHOOL NA WALEI) KWA AJILI YA KUANZISHA CHUO KIKUU – ST. JOSEPH UNIVERSITY (T) CHA WADAU WETU.

Mheshimiwa

                        Baba Askofu, husika na kichwa cha barua kilichotajwa hapo juu.

Kwa heshima kubwa, sisi Jumuia ya wanarukwa chini ya chombo chetu tulichokianzisha na kukisajili (Jukwaa la maendeleo mkoa wa Rukwa (JUMARU) mahsusi kwa ajili ya kutuunganisha wanarukwa wa ndani ya mkoa, nje ya mkoa na nje ya nchi katika kuunganisha nguvu zetu za hali na mali ili tuweze kuhamasisha na kuchangia katika jitihada za kuleta maendeleo ndani ya mkoa na wanarukwa kwa ujumla, tunakuomba utusaidie kutukodishia kwa muda majengo yako katika eneo la Katandala kwa ajili ya kuanzishia Chuo Kikuu kupitia wadau ambao tumewashawishi – yaani ST. Joseph University in Tanzania.

Mradi utakuwa tayari kukarabati majengo na kufanya maboresho ili yakidhi hadhi stahiki kwa huduma husika.

ST. Joseph University in Tanzania kupitia Dkt. Anath kwa mazungumzo maalumu na makubaliano yaliyofanyika kati yake na kamati ya JUMARU inayoratibu Mchakato wa kuanzisha Vyuo Vikuu ndani ya Mkoa pamoja na Rukwa Univerisity inayoongozwa na Prof. Athanas S. Kauzeni na Prof. Bernard J. Kasimila, alikubali ombi letu la kujenga chuo kikuu ndani ya mkoa wetu ili nasi tupate uzoefu wa kuanzisha cha kwetu  (Affiliation of Rukwa University).

Aidha Dkt. Anath aliomba atafutiwe majengo ya kukodi kwa kuanzia na yupo tayari kuyakarabati na pia JUMARU imtafutie eneo la kuanzia Ekari 40 na kuendelea kwa ajili ya kujenga majengo ya kudumu.  Ardhi tayari tumepata sehemu mbili ndani ya Manispaa ya Sumbawanga (Malangali – zaidi ya Ekari 50 na Pito-zaidi ya Ekari 100).

Hivyo basi tunaomba utusaidie majengo ya kuanzia kwa muda pamoja na kumpokea/kuwapokea wadau wetu hawa ndani ya Jimbo lako maana taasisi yao ipo chini ya shirika la Kanisa letu.

Jukumu kubwa la JUMARU ni kushawishi na kuunganisha wadau wa ndani na nje ya mkoa kuwekeza ndani ya mkoa.  JUMARU ipo tayari kwa kutumia wataalumu wake kusaidia kuhamasisha na kushauri kuwezesha wadau kufanikisha kuwekeza miradi yao yenye tija ndani ya mkoa ambapo hata kanisa letu Jimbo kama lina mpango wa kuanzisha Chuo Kikuu na miradi mingine ya maendeleo tupo tayari kusaidia kwa hatua zote kufanikisha (kuhamasisha na kushauri).

Ni mategemeo yetu  kuwa ombi letu litapokelewa na kukubaliwa ndani ya muda huu muafaka maana kamati yetu na Dkt. Anath wanatarajia kufika Sumbawanga kabla ya mwisho wa mwezi Januari 2014  kama tutawathibitishia kuwa majengo yamepatikana. Majibu ya barua hii yatasaidia kumshawishi Dkt. Anath kufika Sumbawanga.

Tunatanguliza shukrani za dhati.

                           

                                   Wako,

JOACHIM BENEDICT ANATORY SIKULUMBWE

KATIBU MKUU

JUMARU – TAIFA

Nakala: 

1.     Bibi Helena Khamsini

      Mwenyekiti wa JUMARU TAIFA – Aione jaladani

2.     Mkuu wa Mkoa wa Rukwa

3.     Prof. Athanas S. Kauzeni

      Mwenyekiti – Kamati ya Mchakato wa Chuo Kikuu Rukwa

      UDSM – DAR ES SALAAM.

4.     Baraza la Wazee/Wadhamini wa JUMARU

      SUMBAWANGA/DAR ES SALAAM.

NB: Nimekuambatanishia baadhi ya nakala za nyaraka na taarifa za  

         JUMARU.