KUJITAMBULISHA NA OMBI LA KIBALI NA USHIRIKIANO WA OFISI YA MKRUGENZI WA MANISPAA YA SUMBAWANGA – IDARA HUSIKA, KATIKA MCHAKATO WA KUANZISHA KIJIJI CHA AJIRA NA MAENDELEO KWA VIJANA.

Jukwaa la Maendeleo Mkoa wa Rukwa  (JUMARU) ni asasi ya kiraia tuliyoianzisha kimkakati mei 2009 na kisha kupata usajili kisheria katika wizara ya Nambo ya Ndani ya Nchi  tarehe 30/08/2013.

Lengo kuu la JUMARU ni kuhamasisha nguvu za hali na mali za wanarukwa wa ndani na nje ya mkoa katika kushawishi na kuchangia jitahada za kukabili changamoto za maendeleo ya mkoa na wanarukwa kwa ujumla ili kuwezesha wanarukwa kufanya kazi kwa bidii, kutambua na kutumia vyema fursa za maendeleo zilizopo, rasilimali na maliasili za ndani ya mkoa katika kujiletea maendeleo na kuzihifadhi kwa ajili ya vizazi vijavyo.

JUMARU kama Taasisi hai ilizinduliwa rasmi tarehe 01/09/2013 Dar es salaam katika ukumbi wa Urafiki Social Hall kwa kutambulisha wanachama hai na kusimika viongozi wa kudumu kitaifa kwa miaka mitatu ya kikatiba ambapo uongozi uliokuwa wa muda ulipitishwa na kuthibitishwa na kuteua uongozi wa muda wa tawi la Dar es salaam. Siku ya uzinduzi wa JUMARU wanachama hai walikuwa wamefikia 37 na hadi kufikia tarehe ya leo 19/10/2015 tumefungua matawi katika tarafa 12 na vijiji 5 ndani ya mkoa wa Rukwa na tuna wanachama hai kwenye mikoa 15 (Mwanza, Tabora, Kigoma, Arusha, Kilimanjaro, Tanga, Morogoro, Ruvuma, Mbeya, Das es salaam, Pwani, Iringa, Katavi, Dodoma na Katavi) na nje ya nchi 7 na kufanya tufikishe wanachama hai 231 (waliojaza fomu za uanachama, kulipia michango, kupewa kadi na vitambulisho rasmi vya uwanachama).

Aidha, tarehe 20-22/12/2013 tulifanya kongamano la wanarukwa katika ukumbi wa St. Maurus Chemchemi lililohudhuriwa na wadau zaidi ya 600,mgeni  rasmi akiwa Waziri mkuu wa Tanzania Mh. Mizengo Pinda (MB) aliyewakilishwa na mkuu wa mkoa wa Rukwa Mh. Eng. Stella Manyanya (MB). Siku hiyo pia ilitumika kuzindua JUMARU kwa ndani ya mkoa na kutambulisha  uongozi rasmi na kisha kuteua kamati ndogo ya kuratibu shughuli za JUMARU ndani ya mkoa kwa muda wa mwaka mmoja ili kusaidia kufungua matawi ya kikatiba na utekelezaji wa mikakati mingine hasa mchakato wa uanzishaji wa chuo kikuu ndani ya mkoa (kamati ya uratibu ndani ya mkoa imemaliza muda wake February mwaka huu).

Katika utekelezaji wa malengo/madhumuni ya JUMARU, tulijiwekea vipaumbele sita vya awali ambavyo ni Elimu (uanzishwaji wa vyuo vikuu), ajira kwa vijana,kilimo bora na masoko (uongezaji wa thamani ya mazao ya kilimo na mifugo – Agro processing), uwekezaji (rasilimali na maliasiri),umasikini na ujasiriamali (Uanzishaji wa JUMARU SACCOS,kuhamasisha mchakato wa Rukwa Community Bank) na upimaji na umilikishaji wa ardhi za wananchi/mashamba (hati miliki za ardhi kwa wananchi na mgawanyo wa ardhi ya kilimo na ufugaji kuepusha migogoro).

Hadi sasa tumefanikisha kubuni mawazo na kushawishi na kuhamasisha uanzishaji wa matawi mawili ya vyuo vikuu ndani ya mkoa wa Rukwa (yaani   St Joseph University in Tanzania-tayari ukarabati wa majengo yao katandala Mission,baada ya JUMARU kuyaomba kwa Baba Askofu Kanisa Katoliki Jimbo la Sumbawanga,unaendelea na tawi la Mbeya University of Science and Technology- MUST ambao serikali ya mkoa, baada ya JUMARU kuwasilisha wazo kwenye kikao cha RCC kilichofanyika katika mji mdogo wa Laela Septemba 29, 2013 juu ya kambi  ya wakandarasi Kianda Kaengesa kutafutiwa tawi la chuo kikuu kinachotoa mafunzo ya sayansi  na teknolojia,imewakabidhi kambi hiyo).

Kwa mwaka 2014 tulijikita katika kuhamasisha masuala ya uwekezaji na kufanikiwa kuandaa hafla maalumu tarehe 14/9/2015 katika ukumbi wa DSM Police Academy Kurasini ya kutangaza fursa za uwekezaji ndani ya mkoa wa Rukwa ambapo mkuu wa mkoa wa Rukwa alikutanishwa na wanarukwa waishio DSM na baadhi ya wadau na pia kushiriki maadhimisho ya miaka 40 ya mkoa wa Rukwa na lile kongamano la uwekezaji lililofanyika Sumbawanga Uwanja wa Nelson Mandela (JUMARU ilifanikiwa kutengeneza vitenge , khanga na T-shirt kupitia wadau wake wa maadhimisho ya miaka 40 ya mkoa na uwekezaji).

Kwa mwaka huu 2015 na 2016; tunatekeleza mkakati wa kuhamasisha na kushawishi uanzishaji wa JUMARU SACCOS miongoni mwa wanachama wa JUMARU tu ili kukabili  changamoto ya umasikini  na kununua hisa kwenye vyombo vingine vya fedha na kuwekeza zaidi,mchakato wa Rukwa community bank inayofanywa na wadu husika, kijiji cha ajira na maendeleo  kwa vijana ndani ya mkoa (cha mfano kimkoa na kisha katika kila Halmashauri kiwepo kijiji cha vijana ili kukabili tatizo la ajira kwa vijana, uamsikini, ujenzi wa uzalendo, maadili na mshikamano ndani ya jamii na watanzania wanarukwa).

Hata hivyo mwaka huu tayari tumekutana na kuzungumza na mkuu wa wilaya ya sumbawangana Mh Sedoyeka na mkuu mpya wa mkoa wa Rukwa,  Mh Mgalula Sai Mgalula ofisini kwake tarehe 30/09/2015 mambo mbalimbali  pamoja na umuhimu wa kuwawezesha wananchi ndani ya mkoa kupata Elimu juu ya umilikaji wa ardhi/mashambayao kupimwa na wapate hati miliki ili kuongeza thamani ya ardhi, kupunguza migogoro ya ardhi na kutumia ardhi kupata mitaji/kwa njia ya mikopo kwenye vyombo vya fedha.